19 Dhjetor - Me një Akademi Solemne u shënua 14 vjetori i themelimit të Universiteti i Tetovës. Rektori prof. dr. Sadi Bexheti në fjalën hyrëse theksoi rëndësinë e kësaj date dhe bëri bilancin vjetor të sukseseve të këtij institucioni tejet të rëndësishëm arsimor. Ai tha se Universiteti i Tetovës është bërë i njohur në rajon e në kontinent dhe ka arritur konsolidimin ligjor e akademik. Ishin të pranishëm në veprimtari edhe kryetarët e partive politike shqiptare në Maqedoni, rektorët dhe nënrektorët e Universitetit të Shkupit, Shtipit, Manastirit, Prishtinës, Tiranës, Universitetit Bujqësor të Tiranës, Gjirokastrës, UEJL-it, Fakultetit të Shkencave Islame në Shkup, përfaqësues të ambasadave, Aleancës Franceze etj. Fjalën e rastit e mbajti Zevëndësministrja e arsimit dhe shkencës të Maqedonisë Lindita Qazimi, duke u zotuar për përkrahjen e qeverisë ndaj këtij universtiteti. Iu dorëzua titullit i nderit Honoris Causa ambasadorit Silvano Pedrollo, në shenjë mirënjohje për përkrahjen dhe ndihmesën e tij shumë të çmuar. Ky titull jepet për herë të parë nga Universiteti Shtetëror i Tetovës.

Universiteti i Tetovës u themelua 14 vjet më parë në qytetin e Tetovës nga Prof.dr. Fadil Sulejmani. Falë vendosmërisë së tij, të shqiptarëve të Maqedonisë e më gjerë, si dhe të përkrahjes së fuqishme perëndimore, sidomos amerikane, prej disa vjetësh ky universitet është legalizuar, duke u bërë gjithnjë e më shumë një faktor vendimtar për rritjen e peshës së kombit shqiptar në Maqedoni. (Voal-online)