Voal-online - Kryetari i Aleancës për Ardhmërinë e Kosovës (AAK), Ramush Haradinaj së bashku me kryetarin e Komunës së Pejës, Ali Berisha dhe atë të Deçanit Musa Berisha, në përvjetorin e 27-të të rënies së atdhetarëve Jusuf e Bardhosh Gërvalla dhe Kadri Zeka, bëri nderime te varrezat e vëllezërve Gërvalla në Dubovik të Deçanit. Në çdo vit në çdo 17 Janar kujtohen dy vëllezërit Gërvalla dhe Kadri Zeka të cilët u vranë nga një dorë e zezë. Megjithëse kanë kaluar 27 vjet nga dita e rënies, kjo vrasje vazhdon që të mbetet e pazbardhur.