Gjykata e Apelit në Tiranë vendos: Lulëzim Basha është i pafajshëm

 

2 shkurt, Voal-online Sot Gjykata e Apelit e Tiranës vendosi duke lënë në fuqi vendimin e gjykatës së Shkallës së Parë ndaj ish-ministrit të Transporteve, sot ministër i Jashtëm, Lulëzim Basha.

Ky vendim ka ardhur pas akuzave të Prokurorisë së Përgjithshme ndaj tij "për shpërdorim detyre" dhe "favorizim në tendera publikë", të cilat lidhen me projektin gjigant të rrugës Durrës-Kukës.

Procesi në Gjykatën e Apelit u shty për shkak të mungesës së Ministrit të Jashtëm që ishte pjesëmarrës në Forumin Ekonomik të Davosit. Lulëzim Basha kishte njoftuar në mënyrë zyrtare se nuk mund të paraqitej për atëë seancë, pasi gjendej jashtë vendit në një angazhim diplomatik të parashikuar. Ish-ministri i Transporteve Lulzim Basha akuzohet se në bashkëpunim me ish-drejtorin juridik të këtij dikasteri Andi Toma ka abuzuar me fondet e lëvruara për ndërtimin e segmentit Rrëshen-Kalimash, pjesë e Durrës-Kukës.

Vendimi i Gjykatës së Shkallës së Parë, ishte marrë nga gjyqtarja Fatmira Hajdari e cila e kishte  lehtësuar atë nga ato akuza, duke i cilësuar si të padrejta e në këtë mënyrë. Vendimi i gjykates Hajdari tani përforcohet edhe nga vendimi i Gjykatës së Apelit.