|
SAIMIR PIRGU, TENORI I RI SHQIPTAR ME FAMË BOTËRORE MERR PJESË MË 1 JANAR 2009 NË KONCERTIN E OPERAS TË ZÃœRICH-UT
E Martë, 12.16.2008, 11:27am (GMT+1)
16 Dhjetor Tenori i ri shqiptar Saimir Pirgu me të ardhme të madhe do të marrë pjesë në Shfaqjen Vjetore të Operas të Zyrihut, ku do të luhet Opera Rigoleto. Opera e Zürich-ut ose siç njihet ndryshe Opernhouse konsiderohet sot si një nga teatrot më të suksesshëm aktualë me famë botërore, ku japin koncerte artistë me format botëror. Ky teatër, që është ndërtuar më 1834, u bë shumë i rëndësishëm për aktivitetin e kompozitorit gjerman Riçard Vagnerit gjatë periudhës së tij të egzilit. Në skenën e këtij Teatri jepen për çdo vit 300 shfaqje operash, baletesh, koncertesh apo recitalësh, ku përformojnë artistët më të shquar të botës. Tek Rigoleto më 1 Janar 2009 do të performojë edhe Saimir Pirgu, tenori i famshëm shqiptar i cili po performon në mënyrë të mrekullueshme në metropolet botërore. Të djelën që shkoi, në Teatrin e Lozanës, ashtu siç iu informon reportazhi në gazetën tonë elektronike, Saimir Pirgu prit me ovacione, duke ngritur në këmbë publikun zviceran.(Voal-online)
|
Printo
