Vdes Xhet Travolta, i biri i vetëm i Xhon Travoltës
E Djelë, 01.04.2009, 12:00pm (GMT+1)
Voal-online - Vdes në moshën 16 vjeçare djali i aktorit të njohur amerikan John Travolta. Djali i vetëm dhe fëmija i madh i John Travolta dhe Kelly Preston vdiq më 2 Janar teksa ndodhej me pushime në Bahamas së bashku me familjen e tij. Lajmin e dha TMZ e cila po ashtu ka mësuar se çfarë mund t'I ketë shkaktuar vdekjen Jett Travoltës.
TMZ ka folur me avokatin dhe mikun e ngushtë të John Travolta, Michael McDermott, si dhe me avokatin e familjes Michael Ossi, të cilët ishin së bashku me familjen e Travoltës në Bahamas. Ata i thane TMZ se mund të ketë qenë fatale plaga në kokë e shkaktuar nga goditja me tubin e dushit.
McDermott dhe Ossi thane po ashtu se është e paqartë nëse vdekja e Jett kishte ardhur si rezultat i një krize epilepsie që kishte shkaktuar rrëshqitjen apo pas goditjes që ai kishte marrë kur kishte rrëshkitur. Në banjë kishte pasur njolla gjaku por jo shumë. Ka të ngjatë që vdekja e djalit të ketë ardhur nga goditja, por kjo do të sqarohet nga autopsia të hënën. Avokatët po ashtu treguan për TMZ se Xhon dhe Kelly Preston "kanë një dhimbje të pashërueshme". Jett Travolta vuante nga sindromi Kawasaki. Ai u gjet në vaskën e banjës në orën 10 të mëngjezit.
|
Printo
