Voal-online 2 janar-Një
"britmë" është gjithmonë vetëm e tillë - një zhurmë dhe jo muzikë.
Ai njeri që nuk ka kaluar nëpër ferrin e pasioneve të tij, nuk i ka kapërcyer
kurrë ato.
Një femër veçanërisht e bukur
është burim terrori. Si rregull, një femër e bukur është një dëshpërim i
tmerrshëm.
Të gjitha punët e njeriut e
kanë prejardhjen në fantazinë krijuese. E çfarë të drejte kemi atëherë ta
përçmojmë imagjinatën.
Për aq sa ne mund të
kuptojmë, i vetmi qëllim i ekzistencës njerëzore është një kandil në erë në
errësirën e qenies.
Madje as një jetë e lumtur
nuk mund të jetë pa një përmasë errësire, dhe fjala lumturi do ta humbte
kuptimin e saj nëse nuk do të ishte e baraspeshuar me trishtimin. Është shumë
më mirë që gjërat të merren ashtu si vijnë, me durim dhe gjakftohtësi.
Të gjitha format e narkomanisë
janë të këqija, pavarësisht se narkotiku është alkool, morfinë apo idealizëm.
Gjithçka që na ngjall neveri ne për të tjerët mund të na çojë në kuptimin e
vetes sonë.
Kushtoju asaj dëshirë dhe
asaj rruge për të cilat përvoja tregon se janë tuat.
Talentet e mëdhenj janë
frutat më të mirë dhe shpesh frutat më të rrezikshëm të pemës së njerëzimit.
Ato varen në degët më të njoma, ku është e lehtë t'i kafshosh.
Unë kam trajtuar me qindra të
sëmurë. Në mesin e atyre në moshën e dytë të jetës - domethënë mbi 35 vjeçarë -
nuk ka një nga ata që problemi i tyre të mos jetë në thelb mosgjetja e
botëkuptimit fetar mbi jetën.
Nëse dikush nuk e kupton dikë tjetër, atëherë priret ta shikojë atë si budalla.
Nëse ka diçka që ne duam ta ndryshojmë tek fëmija, atëherë ne duhet të pari të
shqyrtojmë e të shikojmë nëse ka diçka që duhet të ndryshojmë për mirë tek
vetja jonë.
Në kaos është një kozmos, në
gjithë çrregullimin është një rregull sekret.
Gjithçka varet nga mënyra si
i shikojmë gjërat, dhe jo nga mënyra si janë ato në të vërtetë.
Është një fakt që nuk mund të
mohohet: ligësia e të tjerëve bëhet ligësi e jona, sepse ajo zgjon diçka të
keqe në zemrat tona.
Njohja e anës sonë të errët është metoda më e mirë e kuptimit të anëve të
errëta të njerëzve të tjerë.
Dija nuk qëndron vetëm mbi të
vërtetën, por edhe mbi gabimin.
Njeriut i duhen vështirësitë;
ato janë të nevojshme për shëndetin.
Masat janë gjithmonë themelet pjellore të epidemive psikike.
Neuroza është gjithmonë një zëvendësuese për vuajtjen e ligjshme.
Askush, sa kohë ai lëviz në rrymat kaotike të jetës, nuk është i pashqetësuar.
Shpesh duart do ta zgjidhin një mister me të cilin intelekti më kot ka luftuar.
Dikush shikon mbrapa me
vlerësim ndaj mësuesve brilanë, por me mirënjohje ndaj atyre që i prekën në
ndjenjat njerëzore. Biografia është një material bazë kaq i domosdoshëm, por
ngrohtësia është element vital për rritjen e bimeve dhe për shpirtin e fëmijës.
Rezistenca ndaj masës së organizuar mund të arrihet vetëm nga një njeri që
është mirë i organizuar në individualitetin e tij ashtu si dhe vetë masa.
Trembja nga vdekja është diçka jo e shëndetëshme dhe jo normale e cila zbraps
gjysmën e dytë të jetës sonë nga qëllimi i saj.
Nganjëherë, në të vërtetë, ka
një hendek të madh midis gjeniut dhe cilësive të tij njerëzore, sa dikush pyet
nëse diçka më pak talent të kishte pasur do të kishte qenë më mirë.
Krijimi i diçkaje të re nuk
është e lidhur me intelektin, por nga loja e instinktit duke vepruar nga nevoja
e brendshme. Mendja krijuese luan me objektin të cilin ajo e dashuron.
Borxhi që ne ia kemi lojës së imagjinatës është i pallogaritshëm.
Problemet më të mëdha e më të rëndësishme të jetës janë thelbësisht të
pazgjidhshme. Ato kurrë nuk mund të zgjidhen, por vetëm të rriten.
Njeriu i shëndoshë nuk i torturon të tjerët - përgjithësisht është i torturuari
ai që shndërrohet në torturues.
Më e vogla e gjërave me
kuptim ia vlen më shumë në jetë se më e madhja e gjërave pa atë (kuptimin)
Njeriu që premton gjithçka është e sigurtë se nuk do të përmbushë asgjë, dhe
çdokush që premton tepër shumë është rrezik të përdorë mjete të liga në mënyrë
që t'i përmbushi premtimet e tij, dhe është tashmë në rrugën e humbjes.
Takimi i dy personaliteteve është si kotnatki midis dy substancave kimike: nëse
ka ndonjë reaksion, të dyja transformohen.
Konfliktet më të thella, nëse
kapërcehen, lënë prapa një ndjesi të sigurisë dhe të qetësisë e cila jo lehtë
mund të trazohet. Janë pikërisht konfliktet e thella dhe përplasja e tyre, të
nevojshme për të prodhuar rezultate të vlefshme dhe afatgjata.
Lavjerrësi i mendjes ndërrohet midis kuptimit dhe moskuptimit, jo midis së
drejtës dhe së gabuarës.
Këpuca që i bie mirë njërit, ia vret këmbën tjetrit; nuk ka recetë për të
gjallët që vlen në të gjitha rastet.
Ujërat e rinisë jo gjithmonë kthjellohen me kalimin e viteve; nganjëherë ato
bëhen më të turbullta.
Fjala "besim" është një gjë e vështirë për mua. Unë nuk besoj. Mua më
duhet të kem një arsye për hamendjet e mia. Një gjë e njoh ose nuk e njoh - nuk
kam nevojë t'i besoj asaj gjëje.
Fjala "lumturi" do ta humbte kuptimin e saj nëse nuk baraspeshohej me
trishtimin.
Nuk ka vetëdijësim pa
dhimbje.
Nëpërmjet krenarisë ne
gjithmonë e mashtrojmë veten tonë. Por thellë nën sipërfaqe të mesatares së
vetëdijës një zë i qetë, i vogël na thotë ne se diçka nuk shkon mirë.
Mirëkuptimi nuk e shëron të keqen, por është një ndihmë përcaktuese, ashtu si
atëherë kur njeriu përballet me një errësirë të kuptueshme.
Ne kemi lindur në një çast të dhënë, në një vend të dhënë, ashtu si vera vjen
nga një vreshtë e caktuar dhe nga një kohë e caktuar, ne i kemi cilësitë e
vitit dhe stinës prej së cilës kemi lindur. Astrologjia nuk ka çka të bëjë
asgjë më shumë për këtë.
Ne nuk mund të ndryshojmë asgjë derisa ta pranojmë atë. Dënimi nuk çliron, ai
shtyp.
I quajmë të lumtur ata të cilët nga përvoja e jetës kanë mësuar t'i përballojnë
të këqijat e saj pa u mposhtur prej tyre.
Ne nuk mund të mëtojmë ta kuptojmë botën vetëm nëpërmjet intelektit. Gjykimi i
intelektit është vetëm një pjesë e së vërtetës.
Kur një situatë e brendshme nuk është bërë e vetëdijshme, atëherë shfaqet
jashtë si fat.
Vizioni juaj do të bëhet i qartë kur ju të shikoni në zemrën tuaj. Kush shikon
përjashtë, ëndërron; kush shikon përbrenda, zgjohet./Elida Buçpapaj
Comments (0)
Dërgoja shokut
Printo
