VOAL - Online Zëri i Shqiptarëve | ||||
AFORIZMA NGA PETER JENNINGS (Peter Xhenings, 1938-2005) E Djelë, 01.30.2011, 11:07am (GMT1) Voal-online 30 janar-Dy javë janë një kohë e gjatë në politikën amerikane. Gazetari priret të mendojë se nuk ekzistojnë kufizimet në asgjë. A mendoj unë se kam lindur për t'u bërë gazetar dhe për ta kërkuar të vërtetën? Jo, aspak. Të gjithë kandidatët shkojnë në çdo debat duke shpresuar se mund të ketë në dorë një moment të veçantë. Të kesh një ndjesi humori për jetën - ti ke nevojë për të. Dhe të jesh i mirësjellshëm. Unë jam i ndjeshëm ndaj vlerës së besimit, religjionit dhe spiritualitetit në jetën e njerëzve, sepse jam gazetar. Unë nuk mendoj se një reporter duhet të japë këshilla apo të bëjë parashikime. Unë kam kaluar nëpër një periudhë të kërkimit që të kuptoja se çfarë, sa fuqishëm dhe cilat janë lidhjet që kam unë me Zotin. Unë mendoj se kam arritur ta shikoj Islamin, ose së paku një pjesë të Islamit, si një mekanizëm të rëndësishëm mbrojtës kundër komercializimit të botës. Unë mendoj se fushata negative është në sytë e autorit të saj. Dhe nuk besoj se do t'i hiqet kurrë andej. Unë mendoj se ndonjëherë mund të jesh cinik ndaj religjionit. Dhe sigurisht të jesh mosbesues ndaj masës me të cilën disa njerëz e përdorin religjionin për ta manipuluar popullin. Jam rritur me mendimin se është mirë të bësh pyetje. Dhe është mirë të them se nuk jam i sigurtë. Unë besoj, por nuk jam krejt i sigurtë për ringjalljen e njeriut. Jam një adhurues i madh i CNN. Jam shikues i tij që nga fillimi. Unë jam një reporter. Nuk jam një dijetar. Unë nuk jam një skllav i objektivitetit. Unë asnjëherë nuk jam plotësisht i sigurtë për kuptimin e tij. Dhe ai ka kuptime të ndryshme për njerëz të ndryshëm. Nuk ka gjë të tillë si njeriu i pavarur. Sido që të mendoni ju për natyrën e zonjës Clinton, unë mendoj se ajo beson fuqimisht në detyrën shtetërore./Elida Buçpapaj Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |