VOAL - Online Zëri i Shqiptarëve | ||||
AFORIZMA NGA NICOLE KIDMAN (Nikolë Kidman, 1967) E Premte, 03.04.2011, 04:46pm (GMT1)
Voal-online 4 mars-Kinemaja është mjedisi i regjisorit, kështu që ti pyet veten: "E çfarë dua unë?" Të jesh aktor do të thotë të përshtatesh - fizikisht dhe shpirtërisht. Nëse kështu dukesh bukur dhe të tjerët të admirojnë, atëherë faleminderit. Dhe nëse ti kërkon të rrëmbesh gjithçka prej saj, atëherë pse jo. Edhe prej moshës fare të vogël, unë e dija se nuk doja të humbja asnjë shans të jetës, sado që ai mund të konsiderohej i rrezikshëm. Çdo ditë është një kompromis. Të jetosh me dikë kërkon shumë mirëkuptim. Por mua më pëlqen të jem e martuar. Vërtet më pëlqen pa masë. Pas një përvoje të tillë, tani e
ndiej veten disi më të qetë. Është e çuditshme, por e trishtuar. Unë mendoj se
gjithnjë do të jem e trishtuar. Gjithmonë kam dashur dasmë me
qirinj! Mendoj se drita e qirinjve është drita më e bukur dhe ka diçka tejet
hyjnore në veten e saj. Nuk besoj se do të kem femra
dubluese të trupit tim ne ndonjë film. Kam tjetër mendim. Nuk bëj
denoncime në gjykata, sepse nuk e çaj kokën fare. Më pëlqen të aktroj, por nuk më pëlqen gjithçka që e shoqëron atë. Interesi për famozët, shtypi, Interneti, kur identiteti yt përzihet në mënyrën si njerëzit të knceptojnë. Më pëlqen të aktroj, por shumë më tepër t'i marr fëmijët dhe t'i çoj në zoopark. Më pëlqen të punoj me njerëz që janë të frymëzuar dhe ngulmues. Nuk e kam përfytyruar kurrë se do
të luaj në një muzikal, kjo në vetvete është një çmim për mua. Nuk mbaj kurrë syze, përveç kur
lexoj reklamat në televizor. Unë dua të ekzistoj në kokën time. Kjo është një
mënyrë arratisje nga bota dhe mbrojtje e vetes. Mendoj se çdo rol merr diçka prej
teje dhe vërtitet rrotull teje gjatë gjithë jetes. Unë mendoj se kurrë nuk i
braktisim anjërin nga rolet. Do më pëlqente të jem e zgjuar.
Njeriut i duhet shumë përvojë derisa të bëhet i zgjuar. Por unë nuk do të
nguroj fare. Unë nuk e di çfarë e ardhmeje më
pret, por e di se jam pozitive dhe nuk zgjohem me ndjenjën e dëshpërimit. Babai
më thoshte: "Nik, le të jetë si të jetë, gjërat nuk shkojnë asnjëherë siç
duam, shkojnë ashtu si shkojnë." Jeta është me dredha e me kthesa. Ti duhet ta kesh mendjen kudo që hedh hapin. Zgjedhjet
e filmave i bëj në mënyrë spontane.
Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |