VOAL - Online Zëri i Shqiptarëve | ||||
Aforizma të Truman Kapotit (Truman Capote, 1924-1984) E Shtunë, 10.10.2009, 08:06pm (GMT1) Voal-online 10 tetor - Biseda është dialog, nuk është monolog. Ja pse zhvillohen kaq pak biseda: tepër rrallë takohen dy bisedues të mençur. E gjithë letërsia është thashethem. Dështimi është kripa që e bën të shijshëm suksesin. Unë besoj më shumë në gërshërët se në penën. Më pëlqen të flas në televizor për ato gjëra që nuk ia vlen të shkruash rreth tyre. U bëra njëmbëdhjetë vjeç, dikur më vonë u bëra gjashtëmbëdhjetë vjeç. Edhe pse atëherë nuk ma varte njeri, ato ishin vite të mrekullueshme. Dashuria është një varg dashurish ashtu si natyra është një varg jete. Keqardhja më e madhe në jetë është se fëmijëria ime ishte panevojshëm e vetmuar. Nganjëherë kur mendoj sa do të jetë i mirë libri im, filloj të marr frymë me zor. Jam i gjatë si pistoletë dhe po aq i zhurmshëm. Të shkruarit nuk ishte më interesant kur zbulova ndryshimet midis të shkruarit të mir dhe atij të keq, madje më e lemerishmja, ndryshimin midis shkrimit të mirë dhe artit të vërtetë./Elida Buçpapaj Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |