VOAL - Online Zëri i Shqiptarëve | ||||
Aforizma të Recep Tayyip Erdogan (Rexhep Tajip Erdogan, lindur më 26 shkurt 1954) E Enjte, 01.28.2010, 03:43pm (GMT1)
Një problem besimi ekziston tek njerëzit e rajonit të cilët dëshirojnë në parim rendin demokratik, por mbeten dyshues si nga mënyra me të cilën iu është paraqitur demokracia, ashtu edhe nga qëllimet e botës demokratike. Një mjedis i përshtatshëm i botës së jashtme mund të luajë gjithashtu një rol shumë të rëndësishëm në nxitjen e pajtimit social dhe instititucionaizimitdrejt demokratizimit. Si një politikan që iu përmbahet bindjeve religjioze në sferën e tij personale, por i përket politikës si një terren jashtëreligjioz, unë besoj se kjo pikëpamje është seriozisht e gabuar. Megjithatë demokracia nuk mund të përkufizohet vetëm si ekzistenca e parlamenteve dhe e zgjedhjeve. Unë jam i ndërgjegjshëm për tezën se Shtetet e Bashkuara të Amerikës kanë investuar për një kohë të gjatë në mënyrë ekskluzive për stabilitetin dhe se kjo i ka paraprirë transformimit demokratik në Lindjen e Mesme. Do të doja të përsërisja atë që theksova kohët e fundit në Forumin Ekonomik të Xhedës në Arabinë Saudite: Nuk do të jetë religjioni, por më shumë botëkuptimi i disa prej praktikuesve të tij që do të jetë kundër. Është thelbësore që instrumentet e politikës të zhvillohen në mënyrë të tillë që të ndërtojnë me vendosmëri demokratizimin mbi bazat e konsensusit social dhe të fuqizojnë transformimin mbi një terren të fortë. Vizita ime në Shtetet e Bashkuara të Amerikës ma ka dhënë gjithashtu mundësinë të theksoj objektivin për të ndërtuar lidhje të ngushta e intensive midis dijetarëve dhe biznesmenëve turq dhe amerikanë. Disa ekspertë të Lindjes së Mesme këmbëngulin se Lindja e Mesme nuk mund të demokratizohet. Në mënyrë të njëllojtë barazia gjinore, sundimi i ligjit, pjesëmarrja politike shoqëria civile dhe transparenca janë në mesin e elementëve të pazëvendësueshëm që janë imperativë të demokratizimit. Bota myslimane dhe pjesa e saj e vendeve të Lindjes së Mesme kanë mbetur prapa në maratonën e zhvillimit politik, ekonomik dhe human. Për këtë ekziston prirja për t'i fajësuar të tjerët si shkak kryesor. Qëllimi nuk mund të jetë krijimi i demokracive të vetëquajtura, por më shumë hapat trimërues që janë prijës të ndërtimit të rendit demokratik në standarde universale. Qartësisht, ky do të ishte një udhëtim i përkryer. Ajo që ne duhet të arrijmë është një koncept i demokracisë organike dhe thjesht mekanike, që zbaton sundimin e ligjit, ndarjen e pushteteve dhe që është pjesëmarrës e pluralist./Elida BUÇPAPAJ Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |