VOAL - Online Zëri i Shqiptarëve | ||||
AFORIZMA NGA SIGMUND FREUD (ZIGMUND FROJD, 1856-1939) E Shtunë, 02.27.2010, 06:31pm (GMT1)
Voal-online 27shkurt-Një shtet ndërluftues ia lejon vetes çdo keqbërje, çdo akt dhune deri në poshtërimin e skajshëm të individit. Një qytetërim që lë një numër kaq të madh të pjesëtarëve të tij të pakënaqur dhe i çon ata në revoltë nuk e ka merituar dhe nuk e meriton të ekzistojë. Njeriu nuk ia arrin t'i eleminojë komplekset e tij, por pajtohet me to: ato ligjërisht e drejtojnë veprimtarinë dhe sjelljen e tij në botë. Anatomia është fati. Të jesh tërësisht i ndershëm me veten është një ushtrim i mirë. Fëmijët janë krejtësisht egoistë; ata i ndiejnë nevojat e tyre
intesivisht dhe përpiqen mizorisht që t'i kënaqin. Kudo që shkoj marr vesh se atje ka qenë një poet përpara meje.
Ai nuk beson se nuk jeton sipas besimit të tij. Ai që ka
sy për të parë dhe veshë për të dëgjuar mund ta bindë veten se asnjë i
vdekëshëm nuk mund ta mbajë një sekret. Nëse buzët heshin, ai flet me majat e
gishtave; tradhtia shpërthen nga ai prej të gjitha poreve. Unë kam
gjetur pak gjë që të jetë e "mirë" tek qeniet njerëzore në tërësi. Nga përvoja
ime shumica e njerëzve janë trash, pavarësisht se ku bëjnë pjesë publikisht,
tek kjo apo ajo doktrinë, apo te asnjëra. Kjo është diçka që nuk mund thuash me
zë të lartë ose madje ndoshta as ta mendosh. Nëse dikush ka qenë i pëkëdheluri i padiskutueshëm i nënës së tij ai ushqen gjatë jetës një ndjenjë triumfuese, besimin në sukses, i cili jo rrallë sjell me vete suksesin.
Iluzionet na mbisundojnë ne, sepse ato na kursejnë në dhimbje dhe na lejojnë të
shijojmë kënaqësinë në vend të saj. Prandaj ato duhet t'i pranojmë pa ankime
kur ato nganjëherë përplasen me realitetin përballë të cilit shndërrohen në
thërrime. Dashuri
dhe punë...punë dhe dashuri, kjo është e gjitha. Njerëzit
janë të fuqishëm sa kohë përfaqësojnë një ide të fuqishme, ata bëhen të
pafuqishëm kur i kundërvihen asaj. Shumica e njerëzve nuk e duan në të vërtetë lirinë, sepse liria përfshin
përgjegjësinë, dhe shumica e njerëzve druajnë nga përgjegjësia. Opozicioni nuk është domosdo armiqësi; ai është kryesisht i keqpërdorur
dhe është shndërruar në rast për armiqësi. Egoja nuk është mësuese në shtëpinë e saj. Rekuizita e parë e qytetërimit është ajo e drejtësisë. Intepretimi i ëndërrave është rruga mbretërore për të njohur veprimtaritë
e pavatëdijshme të mendjes. Zëri i intelektit është i butë, por ai nuk reziston derisa ta kenë
dëgjuar. Ne nuk jemi kurrë aq të pambrojtur ndaj vuajtjes sa kur dashurojmë. Ne besojmë se qytetërimet janë
krijuar nën presionin e kërkesave të larta të jetës me kush kënaqjen e instinkteve. Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |