VOAL - Online Zëri i Shqiptarëve | ||||
AFORIZMA NGA WILLIAM FAULKNER (Uilliam Folkner, 1897-1962) E Djelë, 03.14.2010, 12:52pm (GMT1)
Voal-online 14 mars-Ai që lëviz malin, fillon me gurët e vegjël.
Një njeri bujar mund të jetojë me çfarëdo.
Ndërgjegja morale e njeriut është mallkimi të cilin ai duhet ta pranojë nga perënditë në mënyrë që ta fitojë të drejtën për të ëndërruar.
Një mushkë do të punonte dhjetë vjet rresht plot dëshirë për ju, në mënyrë që ta ketë privilegjin që t'ju shqelmojë dikur.
Shkrimtari duhet ta mësojë se baza e të gjitha gjërave është të kesh drojë. Ne të gjithë dështuam në ëndërrën tonë të përkryerjes. Kështu që ishim të detyruar që mbi bazën e dështimit tonë të hatashëm të bënim të pamundurën.
Faktet dhe të vërteta realisht nuk kanë shumë të bëjnë me njëra tjetrën. Nëse do të zgjidhja midis dhimbjes dhe asgjësë, do të zgjidhja dhimbjen. Unë besoj se njeriu nuk mbaron kurrë. Ai mbijeton. Ai është I pavdekshëm, jo ngaqë mes krijesave ka një zë të pashtershëm, por sepse ka një frymë, një shpirt të aftë për mirëkuptim, sakrificë dhe pambarimësi. Unë nuk e pranoj mbarimin e njeriut. E ndjej veten si një farë e njomë dhe e egër në tokën e nxehtë dhe të verbër. Asnjëherë nuk e di çfarë mendoj për diçka derisa lexoj se çfarë kam shkruar për të. Jam i prirur të besoj se fakti që je ushtarak nuk plagos askënd.
Qëllimi im dhe çdo përpjekje për ta arritur atë është që shuma e historisë së jetës sime, fjalia e epitafit tim të jetë: Ai shkroi libra dhe vdiq. Ndoshta gjëja e vetme më e keqe se të japësh mirënjohje është të pranosh mirënjohje. Nga përvoja ime gjërat prej të cilave nuk do të hiqja dorë janë letra, duhani, ushqimi dhe pak uiski. Ndoshta kanë pasur të drejtë që e kanë vënë dashurinë nëpër libra...Ndoshta ajo nuk mund të jetojë askund tjetër. E shkuara nuk vdes kurrë. Madje nuk është e shkuar. Duhet të sillemi me Ulysses të James Joyce si një prift analfabet baptist ndaj Testamentit të Vjetër: me besim./Elida BUÇPAPAJ Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |