VOAL - Online Zëri i Shqiptarëve | ||||
AFORIZMA NGA VICTOR HUGO (Viktor Hygo, 1802-1885) E Djelë, 10.17.2010, 02:30pm (GMT1) Voal-online 17 tetor-Një lëvdatë është diçka si një puthje nëpërmjet një tyli. Fajdexhiu është më i keq se pronari i skllevërve; sepse pronari i skllevërve ka pronë vetëm njeriun, por një fajdexhi ka pronë dinjitetin e tij dhe mund ta komandojë dinjitetin e tij. Besimi fetar është nevojë për njeriun. Mjerë ai që nuk beson në asgjë. Një artist i madh është një burrë i madh në një fëmijë të madh. Biblioteka është akt besimtarie. Njeriu nuk është i zvetënuar për shkak se është i përpirë nga mendimet. Ka laboratorë të dukshëm dhe laboratorë të padukshëm. Krahët e nënës janë krahë të dlirësisë dhe fëmijët flenë shëndetshëm aty. Një luftë midis evropianëve është një luftë civile. Të gjitha forcat në botë nuk janë kaq të plotpushtetshme sa një ide së cilës i ka ardhur koha. Pothuaj të gjitha dëshirat tona, kur analizohen mirë, përmbajnë diçka tejet të turpshme. Një ferr inteligjent do të ishte më i mirë se një parajsë e marrë. Arkitektura përmban idetë e mëdha të racës njerëzore. Jo vetëm çdo simbol religjioz, por çdo mendim njerëzor ka faqen e tij në këtë libër. Si përzierje e kontrastit me sublimen, grotesku është, nga pikëpamja jonë, burimi më i pasur që ofron natyra. Teksa kuleta zbrazet, zemra mbushet. Duke i shtyrë akrepat e orës përpara me duar, ti prapë nuk e çon dot përpara kohën. Mendime të tilla janë lutje. Ka momente kur, sido që të jetë sjellja e trupit, shpirti është i përgjunjur ndaj tij. Ngjitur me të Drejtar e Njeriut, fare pranë tyre, janë të Drejtat e Shpirtit. Mirëkuptimi gjithsesi nuk është rezultat i shkollimit. Kursim në stil, saktësi në mendime, vendosmëri në jetë. Vetëdija është Zoti i pranishëm në njeriun. Kureshtja është një nga format e zotësisë femërore. Despotizmi është një krim i gjatë. Të mosbërit asgjë është lumturi për fëmijët dhe mjerim për pleqtë. Gjeniu: mbinjeriu në njeriun. Rreziqet e mëdha e kanë bukurinë e tyre, e cila sjell në dritë vëllezërinë e të panjohurve. Ki guxim për të këqijat e mëdha të jetës dhe durim për të voglat; dhe kur të kesh përmbushur me sukses qëllimin e ditës sate, shko dhe fli i qetë. Ai që nuk është i zoti ta durojë varfërinë, nuk është i zoti të jetë i lirë. Kush hap dyer shkollash, mbyll dyer burgjesh. Shpresa është fjala të cilën Zoti e ka shkruar në ballin e çdo njeriu. Papunësia është shtypja më e madhe. Duke vuajtur njerëzit bëhen engjëj. Nuk është asgjë të vdesësh. Është e frikshme të mos jetosh. Njerëzit e zgjuar gjejnë ngushëllim në travajet e jetës. Është më e pëlqyeshmja të bësh një veprim të drejt i cili nuk është i pranueshëm nga dikush të cilin dikush tjetër nuk e pëlqen. Shpesh është e nevojshme të dish si t'i bindesh një femra në mënyrë që nganjëherë ta kesh të drejtën për ta komanduar. Buzëqeshja e gëzimit është shumë më qafër lotëve se qeshjes. Qeshja është dielli që e përzë dimrin nga fytyra njerëzore. Jeta është lulja për të cilën dashuria është mjalta. Dashuria është një pjesë e vetë shpirtit, dhe është nga e njëjta lëndë si frymëmarrja qiellore e atmosferës së parajsës. Njerëzimi nuk është një qark me një qendër të vetme, por një elips me dy pole kryesore, nga të cilët njëri janë faktet dhe tjetri janë idetë. Njeriu mësohet me helmin pika-pika. Njerëzit si unë janë të pamundshëm deri ditën kur ata bëhen të nevojshëm. Shijet e mia janë artistokratike, veprimet e mia janë demokratike. Natyra ka krijuar një guralec dhe një femër. Gurgdhëndësi e formon diamantin, ndërsa i dashuri e formon gruan. Askush nuk munda mbajë sekretin më mirë se një fëmijë. Dikush beson se të tjerët do të bëjnë atë që ai dëshiron. Të soditësh do të thotë të lodhesh, të mendosh do të thotë të bësh. Duart që rrinë kryq punojnë, duart e mbledhura veprojnë. Sytë e drejtuar nga Qielli janë një akt krijimi. Bëmat tona na bëjnë ose rrënojnë ne, ne jemi fëmijët e bëmave tona. Dhimbja është e ndryshme si njeriu. Secili vuan si ka mundësi. Paqja është virtut i qytetërimit. Lufta është krim. Këmbëngulja, sekreti i të gjitha triumfeve. Lutja është një pohim madhështor i padijës. Reaksioni është një varkë që shkon kundër rrymës, por e cila nuk e ndalon lumin të rrjedhë. Religjionet bëjnë një gjë të dobishme: ato e zbresin Zotin në nivelin e njeriut. Filozofia i përgjigjet duke bërë një gjë të dobishme: ajo e ngre njeriun në nivelin e Zotit. Rima, ajo mbretëreshë e skllavëruar, ajo magji supreme e poezisë, ajo krijuese e metrikës sonë. Jeta është e shkurtër, por ne e bëjmë më të shkurtër nga humbja e kohës. Vogëlsia në një njeri të madh duke më e vogël në përpjesëtim me gjithë pjesën tjetër. Djali, vëllai, babai, i dashuri, miku. Ka hapësirë në hemër për të gjitha ndjenjat, siç ka hapësirë në qiell për të gjithë yjet. Shoqëria është një republikë. Kur individët duan të ngrenë veten mbi të tjerët, ata ulen poshtë nga masa, ose nga përqeshja dhe tallja. E habtishme ta thuash, bota e ndritshme është botë e padukshme; bota e ndritshme është ajo të cilën ne nuk e shohim. Sytë tanë prej mishi shohin vetëm natë. Kafsha është e paditur për atë që di, njeriu e di se është i paditur. E para simptomë e dashurisë tek një djalosh është droja: tek një vajzë është guximi. Shpirti njerëzor ende ka nevojë më të madhe për idealen se për realen. Nga realja ne ekzistojmë; nga idealja ne jetojmë. Idealja dhe e bukura janë njësoj; idealja i korrespondon idesë, dhe bukuria formës; kështu që ideja dhe lënda janë kunata. Njeriu i mësuar e di se është i paditur. Malet, pylli dhe deti i bëjnë njerëzit të egfër; ata kultivojnë egërsinë, por nuk e shkatërrojnë njeriun. Shpirti i ka iluzionet ashtu si zogu ka krahët: ato e mbajnë. Lumturia supreme e jetës është bindja se të tjerët na duan; ngaqë e meritojmë atë, ose pavarësisht nëse e meritojmë atë. Këtë shekull kemi pasur vetëm një njeri të madh dhe një gjë të madhe: Napoleonin dhe lirinë. Prej dëshirës së njeriut të madh, le të kemi gjënë e madhe. Mendimi është laboratori i intelektit, ëndërrimi është kënaqësia e tij. Të dashurosh një person tjetër do të thotë të shikosh fytyrën e Zotit. Të ngjitesh nga gabimi tek e vërteta është e rrallë dhe e bukur. Toleranca është religjioni më i mirë. Kur një femër po flet me tyre, dëgjo se çfarë thotë ajo me sytë e saj. Elida Buçpapaj
|
||||
Copyright © 2005-2008 Nulled by [x-MoBiLe]. All rights reserved. |