KAM DËGJUAR SE NUK DONI TË MËSONI ASGJË Nga BERTOLT BRECHT
E Martë, 04.15.2014, 06:41pm (GMT+1)
Kam dëgjuar se nuk doni të mësoni asgjë. Nxjerr përfundimin: jeni milionerë. E ardhmja juaj është siguruar - ajo është Para jush në dritë të diellit. Prindërit tuaj Kanë bërë të mundur që këmbët tuaja Të mos marrin në thua në asnjë gur. Atëherë nuk duhet Të mësoni asgje. Kështu siç jeni Mund të mbeteni. E nëse, pavarësisht kësaj, ndesheni në vështirësi, nisur nga nderrimi i kohëve, Siç kam dëgjuar, jeni të pasigurt Keni mentorët tuaj që ju thonë saktësisht Se çfarë duhet bërë në mënyrë që të jeni mirë. Ata kanë lexuar librat e atyre Që i dinë të vërtetat Të cilat kanë vlerë në të gjitha kohët Dhe recetat që ndihmojnë gjithmonë. Nisur nga fakti që janë shumë ata që mësojnë për ju Nuk duhet të luani as gishtin. Por, nëse nuk do të ishte kështu Atëherë do të duhej të studioje.
Përktheu: SKËNDER BUÇPAPAJ
|