E POSADALË NGA SHPELLA Nga VEHBI SKËNDERI
E Enjte, 04.17.2014, 09:02am (GMT+1)
Zonjë, e kur do të reshtin, këto "eksperimente" të bezdisshme linçuese e poshtëruese? Zonjë, më zunë frymën ambalazhet moralizuese, këmishat antiplumb, tatuazhet, qentë e kufijve dhe blindazhet civilizuese. Zonjë, e kur do të marrë fund ky ankth pa fund!
Zonjë! Këtë gjerdhan me diamante, varja në qafë e maces tënde Xhesi Kur gërhet, të lëpin e nuk të shqitet. Ikin vitet! Siç e sheh, vitet janë si shitëse ambulante, që kurrë nuk rrinë në një vend. Eja, pra, zonjë, me mua, njëmend! Unë të dua edhe pa këtë bizhuteri marramendëse.
Pa m'i lexuar e reklamuar në ekran, vlerat e tua kurative, si rradhiqe. Unë të dua kështu siç je : Treçereklakuriqe, e posadalë nga diskoteka, teksa të tunden në ballë tri kaçurela. Apo lakuriqe krejt, Evë E posadalë nga shpella!
Bernë, 5 qershor 1997 -- Nga libri "Zvicra Shqipëria ime", Prishtinë 2004
VEHBI SKËNDERI
|