KËSAJ NATE ME HËNË TË VJESHTËS
Nga DRITËRO AGOLLI
E Enjte, 10.23.2014, 09:21am (GMT+1)
 Kësaj nate me hënë të vjeshtës
Dola fushës të bredh kuturu.
Retë shtohen me vrap pa reshtur,
Hëna duket aty-këtu.
Porsi vetë mendimet e mia
Po më shtyhen ndër mend më shpesh
dhe pas tyre gjithnjë gjendesh ti
si kjo hënë që duket mes resh.
Hëna shpejt do të zhduket dhe netët
do të mbeten pa të, kurse ti
në ëndërrimet e mia pa jetë
perëndim s'do të kesh kurrsesi.DRITËRO AGOLLI
|
Comments (0)
Dërgoja shokut
Printo
