VOAL - Online Zëri i Shqiptarëve

TË DUA KËSHTU...
Nga DRITA LUSHI

E Martë, 12.23.2014, 03:39pm (GMT1)


***
Të dua në një mënyrë të veçantë
Jashtë trupit dhe prekjes.
Të dua jashtë saj tërësisht.
Jashtë saj që e quajnë “dashuri fizike”
Kështu të ndiej, kështu thellësisht.
Unë, në trishtim ty të dua,
Po ashtu në të gjitha gëzimet;
Por më shumë, se shumëçka
Të dua për dhimbjet.
Edhe nëse nuk qesh me ty
Të dua të qeshësh çdoherë,
Por nëse do derdhësh lot
Edhe loti im, me tëndin do bjerë.
Do jem aty, me ty
Sa herë do jesh në nevojë
E do ta ndjesh,
që edhe dhimbja do qeshë se s’ben
E shpirtin do ta lehtësojë.
Nëse e ndjen shpirtin tënd
Me të paqtë, të butë dhe të gjerë,
Aty është i shkrirë dhe shpirtin im
Veç ti di ta ndjesh këtë; veç ti.
***
Ja kështu të dua…
Kjo është dashuria, që s’vdes kurrë.
Sepse edhe mishi,
dhe trupi
dhe zemra
nje ditë vdesin…
e s’mbesin…
Ti,
duhet të jesh i lumtur,
që të dua pikërisht kështu
Dhe në asnjë tjetër mënyrë…!
***
Kështu do jem përherë me ty
Do më jesh çdoherë këtu.

DRITA LUSHI


Copyright © 2005-2008 Nulled by [x-MoBiLe]. All rights reserved.