TROPOJE, VENDLINDJA IME Nga BESART RAMIZI-TAFAJ
E Enjte, 02.26.2015, 08:50am (GMT+1)
Tropoje, Vendlindja ime Vargu im, malli im Toka ime, gezimi im Ëndrra ime, motivi im E shtrenjta Vendlindje Të dua ty, gjer në amshim
Tek ti, Tropoje Kam Pranveren, kujtimet e mia Kam arsyen pse gëzoj Pjesë nga fëmijëria Të shkuaren që s' kthehet, motivin pse jetoj
Tek ti , Tropoje Mbretëreshë Linda e u rrita, erdha në keto ditë Në gjirin tënd Nënë, Kam qarë e kam qeshë Tek ti Vendlindje Kam zemër e kam shpirtë
Tropoje , Vendlindja ime Tek ti kam familjen, Te shtrenjtën Nënë, Kam bukën që kam ngrënë Dijen qe kam nxënë Besen që kam dhënë Tek ti vend kanë zënë
Tek ti Tropoje Kam Shkelzenin e Valbonen Të dy bashkë si vlla e moter, Kam bjeshket e malësorve Dimer-Vere plot me bore Tek ti shqipja rrin krenare Si Mbretëresha me Kurore
Në gjirin tënd Tropoje Pushojnë Heronjtë e Fjetur Rrjedh freskia nëpër kroje Ku i vend , si ty s' kam gjetur
Tek ti vallen me tupan E kërcejne veç shtojzovallet Dhimbjes time i ban derman Ti m'i hjek mue t'gjitha hallet
Në dheun tënd , Tropoja ime Shtati im pushoftë aty E thotë , malli i zemrës time Se kurr s' do t'gjej nji vend si ty...
Tiranë më 24. 02. 2015
BESART RAMIZI-TAFAJ
|