Voal-online Një foto e paparë ndonjëherë e Paul McCartneyt në shkollën fillore, befasuar nga fotografi në një foto të klasës ndërsa lexon një gazetë komiksash, do të dalë në ankand në Liverpool më 29 gusht, bashkë me 315 objekte të tjera beatlesiane. Paul është fotografuar në Joseph Williams School të Liverpoolit më 1952.

Pamja, ndotur e zhubrosur, është sjellë nga një grua në Beatles Shop (që organizon ankande dhe që gjendet pranë të famshmit Cavern Club ku filloi karriera e Beatles) para pak kohësh. Midis objekteve në shitje janë edhe një foto shkollore e Ringo Starr dhe një litografi e partiturës së producentit George Martin, me firmën e Paul, për këngën Yesterday. Sipas organizatorëve të ankandit, recesioni aktual me gjasë ka nxitur shumë koleksionistë të ofrojnë copa që i ruanin në arkëzat e tyre për këtë shitje, e cila do të bëhet në Paul McCartney Auditorium në Liverpool Institute of Performing Arts, ku priten me mijëra të apasionuar.

Ndërkohë BBC do të japë në shtator pamje të papara (inedite) të Beatles që qeshin me njëri tjetrin në Abbedy Road Studios. Dokumentari do të jepet në Beatles Week (në program prej 5 shtatorit), që përkon me publikimin e katalogut origjinal të rimasterizuar të grupit e të videogame "The Beatles: Rock Band". Në javën 'beatlesiane' BBC do të japë historinë e griput dhe biseda të panjohura midis The Fab Four.