Voal-online -Miss Italia 2009 është Maria Perrusi, 18 vjeçare nga Fiumefreddo (Cosenza), e lartë 1,82 metra. Ajo ka ardhur në finalet italiane si Miss Calabria. Me sy jeshillë dhe flokë gështenjë, Maria është kurorëzuar nga kampiona botërore e notit Federica Pellegrini në Palacotonella të Salsomaggiore Terme, në programin drejtpërdrejt të Raiuno drejtuar nga Milly Carlucci. Në vend të dytë Mirella Sessa, kazertane 23 vjeçare që jeton në Sessa Aurunca.

 

Maria ka fituar kontrata pune me sponsorë për shumën 108 500 euro, si dhe një veturë Peugeot 207. Miss Italia 2009 do të jetë testimoniale Ministrisë së Turizmit, ka thënë pronarja e konkursit Patrizia Mirigliani. "Do të jetë fytyra e Italisë në botë," ka komentuar Milly Carlucci.

 

Milly Carlucci ka rinovuar pjesën më të madhe të programit dhe të paraqitjes së misseve, duke pasur të shtunën një natë tepër të gjatë të pjesës së parë, në qendër të kritikave e polemikave pse e ka zhvendosur ditarin e lajmeve, por në natën e dytë dhe të tretë oraret janë zbatuar.

 

Tetë finalistet e fundit janë veshur nga stilisti Versace, i vetmi stilist i mbrëmjes finale. Krahas çmimi kryesor Miss Italia janë dhënë edhe një mori çmimesh nga mediat, nga firmat e modës, nga firmat e prodhimeve të veturave, të stolive e tjerë. (http://repubblica.it) (http://ansa.it)