VOAL - Online Zëri i Shqiptarëve | ||||
Nesër del në Amerikë libri "The Clinton tapes"-Wrestling history in the White House "Bisedat e regjistruara të Klintonit", histori restlingu në Shtëpinë e Bardhë- me autor Taylor Branch E Hënë, 09.28.2009, 08:16pm (GMT1) Vitet e
Klintonit, në fjalët e Klintonit Voal-online - Nëse nuk
keni pasur rastin që të lexoni librin autobiografik 1000 faqesh të Bill
Klintonit , mos u mërzisni. Tani do të keni në dorë librin e ri të autorit
Pulizer (Pulitzer) Taylor
Branch, "The Clinton Tapes," "Bisedat e inçizuara të e Klintonit",
bazuar në intervistat që Bill Klinton i ka dhënë autorit gjatë 79 mbrëmjeve përgjatë
presidencës së tij, i cili do të dalë nesër në Amerikë. Branch, është
në një rol të shumfishtë, si mik, kronikan, këshilltar e tjerë e tjerë. Dhe nga
rezultat i kësaj del portreti i ish-presidentit. Branch, një mik i vjetër i
presidentit Klinton i ka fokusuar intervistat e tij sa më tepër që të ishte e
mundur në temat dhe ngjarjet e ditës, që kanë të bëjnë me problemet e
brëndëshme apo politikën e Jashtme të SHBA, si përshembull,Haiti, Bosnja, Kina
dhe sidomos Lindja e Mesme. Në këto intervista do të flitet edhe për prokurorin
special, që tani i është harruar emri po atëhere emri i tij gjendej në gojën e
gjithkujt, siç është Kenneth W.Starr Në këtë libër zbulohen mendimet e Bill Klinton
dhe historitë e presidencës së tij, siç është ajo e presidentit rus Boris
Yeltsin, të cilin Klinton e mikpriste në rezidencën e Blair House, ndërsa një natë u
gjet i vetëm dhe i dehur tapë në Pennsylvania
Avenue duke kërkuar në taksi për të shkuar në një piceri, ndërsa natën tjetër,
shkruan Branch, Yeltsin, përsëri i dehur rëndshëmi u iku përsëri nga syri
agjentëve të sigurisë dhe u zbulua vetëm në bodrum. Pastaj në
libër kalojnë liderët e botës - Yasser Arafat, Yitzhak Rabin, Mbreti
i Jordanisë Hussein, Jiang Zemin. Në libër tregohet si si
presidenti i Sirisë Hafez al-Assad i telefon Klintonit pas vdekjes të të birit të
madh, duke i treguar se i trembej të vëllait që e kishte në egzil, dhe pastaj i
thotë se do të jetojë, pasi ai ishte tepër i sëmirë, deri sa t'i mësojë të
birit, Bashar artin e të qeverisurit të vendit. Nganjëherë
në faqet e librit ndeshim një konfrontim surreal me realitetin e kohës. Duke
folur për Monika Lewinsky, Klinton nuk ka aspak dëshirë të të flasë për këtë
histori, duke përsëritur shpesh se i ka ardhur shumë keq, dhe se ai ishte
dorëzuar nga presioni i madh që i ishte bërë. Libri ka
700 faqe, nëpër faqet e tij shpesh Klinton do të flasë për tregëtinë dhe
buxhetin, por Branch, autori i tij, do t'i tregojë këto në gojën e Klintonit me
mjeshtëri. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |