PARDESYBARDHËT
Nga EDMOND SHALLVARI
E Mërkurë, 12.11.2013, 10:58am (GMT+1)
Ashtu, u shfaqën dikur, pardesybardhët
Me të njëjtën veshje autoritare të njohur
Të njëjtë si barazia që dinë vetëm shqiptarët
Ashtu, simpatikë, karizmatikë, të palodhur.
Ashtu, si pëllumbardhët e paqes së paqtë
Me bisht dallëndyshesh në dy gishtat ngritur
Oh, sa zili i pata, këta pardesybardhë
Zili dhe simpati, bashkë me shpresën e lindur.
Ç'më ngjanë fluturakë engjëjsh krahëbardhë
Ç'u ndjeva pak engjëll dhe unë mes tyre
Besova se qielli ishte hapur këte rradhë
Dhe një tjetërbotë na priste mes yjesh.
Nuk di çfarë ndodhi më tej fluturimit
Me mua nuk di çfarë ndodhi më tej
Rreth meje papritur krahë engjëjsh po shkrinin
Dhe bashkë me krahët dhe pardesybardhët lider'.
Di vetëm që rënies thërrisja tmerruar
Rrethuar nga copëra pendësh si shkrumb
Pardesybardhët çuditërisht u xhveshën nxituar
Nxituar u veshën me krahëdjajsh në trup.
Më lanë ashtu, të vetmuar, pa ndihmë
Mes thirrjesh çjerrëse korbash, krra, krraaa!
Ç'po talleshin me mua në qiell kostumzinjtë
Të dikurshmit engjëj, të shndruar në djaj.
EDMOND SHALLVARI
|
Comments (0)
Dërgoja shokut
Printo
