VOAL - Online Zëri i Shqiptarëve | ||||
ELSA NË PASQYRË Nga LOUIS ARAGON E Shtunë, 04.12.2014, 05:26pm (GMT1) Ishte bash në mesin e sonës tragjedi dhe tërë të lumen ditë që rrinte në të sajën pasqyrë ajo krihte flokët e saj të artë unë besova se kam kqyrë duart e saj të prâjta tek shuanin zjarrin farfuri ishte bash në mesin e sonës tragjedi dhe tërë të lumen ditë që rrinte në të sajën pasqyrë ajo krihte flokët e saj dhe unë thoja gjithsesi ishte bash në mesin e sonës tragjedi tek pa ditur gjë luante në harpë një melodi të dlirë ishte bash në mesin e sonës tragjedi ajo krihte flokët e saj dhe unë thoja gjithsesi se e martirizonte kujtesën e saj me vetëdëshirë tërë këtë të lumen ditë që rrinte në pasqyrë tek i këndellte lulet e pafund të zjarrit farfuri pa thënë atë që tjetërkush do kish thënë gjithsesi ajo e martirizonte kujtesën e saj me vetëdëshirë ishte bash në mesin e sonës tragjedi bota i ngjante asaj pasqyre ndjellazi krëhëri ndante flokët e mëndafshët dhe skutat e kujtesës sime ndrinin flakët Ishte bash në mesin e sonës tragjedi ashtu si në mes të javës vetë e enjtja rri dhe tërë ditën e lume në kujtesë duke kqyrë ajo pa në largësi teksa vdisnin në pasqyrë një nga një aktorët e sonës tragjedi dhe janë më të mirët e kësaj bote ndjellazi e ju i dini emrat e tyre pa jua thënë vetë e ç'kuptim kanë flakët në të gjatat netë e flokët e saj kur ajo të vijë të ulet këtu pari e të krehë pa thënë asgjë pasqyrime zjarri Përktheu: SKËNDER BUÇPAPAJ
|
||||
Copyright © 2005-2008 Nulled by [x-MoBiLe]. All rights reserved. |