DIELLI I DITËS SIME
Nga SINAN KËRPAÇI
E Martë, 04.15.2014, 05:33pm (GMT+1)
Lind atje: larg dhe afër,
në bririn e dhisë së egër,
në syrin që më ndjek pas
nga nxjerr lotin një sorkadhe
e nuk them: lind në male.
Atleti i ditës time
vesh këpucët në vendlindje,
vrapon në mëngjez,
çlodhet në mbasdite.
Them: ky është i imi,
nuk është i të gjithëve,
se vjen që nga briri,
se vjen që nga syri,
andej nga vjen zëri
dhe bëhet bori,
andej nga vjen loti
që ka gjetur sy
e më sheh nga malli.
Diell i vendlindjes -
sy, o sy sorkadhi,
sy i ditës sime.
Piqet nën saçin e nënës
te një furrë, te një vatër,
lind atje, lind si diell:
larg dhe afër.SINAN KËRPAÇI
|
Comments (0)
Dërgoja shokut
Printo
