VOAL - Online Zëri i Shqiptarëve

PASQYRA Nga SYLVIA PLATH E Mërkurë, 04.16.2014, 05:05pm (GMT1) Jam e saktë dhe e argjendë, pa paragjykime, çdo gjë që e shikoj, e përbij menjëherë të të tillë e të këtillë pa hije dashurie a neverie. Unë nuk jam mizore, por vetëm e vërtetë - sy katërkëndësh i një perëndie të vogël. Më shumë se koha pasqyroj në murin përballë. Është i kuq, i njollosur. Tashmë prej qëkur e shikoj dhe e ndiej një pjesë të zemrës sime. Po ajo është e nuk është. Fytyrat dhe terri vazhdimisht ndahen. Tash unë jam një liqen. Mbi mua përkulet një grua duke kërkuar në mua të zbulojë atë që ajo është realisht. Pastaj iu kthehet atyre gënjeshtareve: qirinjve ose hënës. Unë shikoj shpinën e saj dhe e pasqyroj besnikërisht. Ma shpërblen me lotë dhe me një dridhje duarsh. Jam e rëndësishme për të. Edhe ajo vjen e shkon. Në çdo mëngjes fytyra e saj ndërrohet me terrin. Tek unë ajo ka fundosur një vajzë, nga unë i del përballë ditë pas ditë një plakë, peshk i përbindshëm Përktheu: SKËNDER BUÇPAPAJ

Copyright © 2005-2008 Nulled by [x-MoBiLe]. All rights reserved.