KËPUCËT E LEHTA
Nga XHENC BEZHI
E Shtunë, 04.19.2014, 11:55am (GMT+1)
 Edhe sa na mbeti festa?
- pysnim të moshuemit,
edhe sa po do pranvera,
t'shkrihet akulli i lumit?
Prisni, djem, të dëhet bora,
të marrë udhë ndër vija,
ta shpëlajë shiu i pranverës,
e t'çeli qershija.
Sa ma shumë afrohej dita,
aq ma shumë zgjateshin netët,
e pafud na bahej pritja,
dimnin tash urrenim.
Plakë na ishin dordolecat,
çizmat lodhë edhe zhbirue,
gjith' ma i ftohtë na dukej dimni,
edhe bora ish zverdhnue.
Ndoshta nesër, sa t' zbardhë dita,
ndoshta nesër do të trokasë
dita e festes me kepuce te reja,
që t'vraponim jashtë ...
Po shpesh zgjoheshim plot trishtim,
"shkundeshin plakat", bora n'gju,
t'vjetra çizmet, hedhë m'njanë
duhej rishtas me i këkrue.
Andërr shihnim gjithë një dimën,
kur do t'vinte festa,
gjith' një dimen tue dëshirue
këpucët tona t'lehta.XHENC BEZHI
|
Comments (0)
Dërgoja shokut
Printo
