TË VJELLAT E ERRËSIRËS Nga ADEM ZAPLLUZHA
E Enjte, 04.24.2014, 05:53pm (GMT+1)
Sonte Do pështyjmë në lumë Nëse ju mungon guximi Ju mbyllni sytë Dhe kaloni urat që iu vardisen ujit
Netët në këtë qytet Janë mësuar të durojnë etjen Disa herë janë kallur lisat Deri në rrënjë
Kanë zbritur zogjtë Nga krakëllimat e korbave Dita i kreh Krifat e kuajve azgan
Kur dolëm tej shtegut Në anën tjetër të memories Na pritën daulltarët Diku larg binte një gërnetë Ethshëm vajtonte Serenata e vjeshtës
Kur më kujtohen ditët Që na rrinin mbi kokë si saç i diellit Më zë vreri Qohen peshë rropullitë O ju lutem më tregoni Si t'i pastroj Të vjellat e errësirës
ADEM ZAPLLUZHA
|