PËR NJË NDARJE Mikut tim Përparim Kabo Nga SINAN KËRPAÇI
E Djelë, 07.27.2014, 05:56pm (GMT+1)
Reja që u shfaq në qiell jo papritur një pikë s'e hodhi në Jon, në tri maja u mbështet: vetëtiu, bubulliu dhe u derdh, u bë lot sa dha shpirt e më s'u duk.
Për një ndarje që vjen pas me kohëzgjatje një vit gjeti malin për të qarë reja në Borsh dhe u fsheh pjesa që mbeti si shami në xhepin tim.
Atje lart e në tri maja është një stan, një kasolle e çobanëve me vështron, dhe një magje, dhe dy duar që e lajnë një të vogël si në Jon e s'thotë jam nëna kur më shfaqet si e tërë.
Me një re - një shami që kam në xhep s'di ç'të bej, s'di ç'të bëj, o loti im.
Borsh, 25, 7, 2014
SINAN KËRPAÇI
|