ATDHEU IM MIZOR
Nga ROLAND GJOZA
E Hënë, 07.28.2014, 10:35am (GMT+1)
atdheu im mizor
atdheu im burrë i fortë dhe grua e egër
atdheu im kopsht shkëmbor i ballkanit të rrufeve
fluturon si shkabë në ëndërra me një rubë të kuqe në ballë prej zjarrmive të jetës
atë rubë e mban dhe si savan
me të ka lidhur vdekjen
që e merr gjthmonë me vete
armiku im është atdheu im
më mbajti në zemër
në pjesën blu
të dridhshme
më dha penë dhe bojë që të vargëzoja
jo si doja unë
po si donte ai
pastaj më hodhi në fund të barkut
në mes të rropullive të pa ngime
pastaj më volli
ishte një vjellje kontinentale
nga mesdheu në atlantikun e largët
atdheu im i varfër
kockëfortë
fle me shqiponjën dhe zgjohet me hiçin
bijtë e dobët nuk i do
po bijtë bastardë
që po e rroposin
atdheu im armiku imROLAND GJOZA
|
Comments (0)
Dërgoja shokut
Printo
