VOAL - Online Zëri i Shqiptarëve | ||||
BIRIT TË NOMADIT Nga MAHMOUD DARWISH E Hënë, 08.11.2014, 10:17am (GMT1) Mbathi sandalet e tua dhe udhëto në rërën që asnjë skllav nuk e ka shkelur ndonjëherë. Zgjoje shpirtin tënd dhe pi ujë në burimet që asnjë flutur nuk i është vardisur ndonjëherë. Shpërndaji mendimet e tua drejt yllësive të qumështit që asnjë i çmendur nuk ka guxuar t'i ëndërrojë ndonjëherë. Largohu nga shkollat e nga dogmat: misteret e heshtjes që era ua sjell veshëve tu të mjaftojnë. Largohu nga pazaret dhe njerëzit dhe përfytyroje panairin e yjeve ku Orioni zgjat shpatën e tij, ku buzëqeshin Plejadat rrotull kandilit të Hënës, ku madje asnjë fenikas nuk i ka lënë gjurmët e tij. Mbille tendën tënde në horizontet ku asnjë struc nuk ka ëndërruar të fshehë vezët e tij. Nëse ti do që të rizgjohesh i lirë si një fajkua që shpalon flatrat në qiej. ekzistencën dhe asgjënë mbaji peshë në flatrat e tua, në jetën dhe në vdekjen tënde. Përktheu: SKËNDER BUÇPAPAJ
|
||||
Copyright © 2005-2008 Nulled by [x-MoBiLe]. All rights reserved. |