VOAL - Online Zëri i Shqiptarëve | ||||
TË BUKURAT JANË TË BUKURAT Nga MAHMOUD DARWISH E Mërkurë, 08.20.2014, 02:06pm (GMT1) Të bukurat janë të bukurat [shenja e violinave në ije.] Të bukurat janë të dobëtat [një fron i lehtë pa kujtesë.] Të bukurat janë të fortat [Një dëshpërim që ndriçon e nuk djeg.] Të bukurat janë princeshat. [Muza të një frymëzimi trazues.] Të bukurat janë fqinjet. [Fqinjet e ylberit.] Të bukurat janë të largëtat. [Si këngët e gëzimit.] Të bukurat janë të varfërat. [si trëndafilet në fushat e betejës.] Të bukurat janë vetmitaret. [Si damixhelat në prani të mbretëreshës.] Të bukurat janë shtatlartat. [Teze të palmave qiellore.] Të bukurat janë shtatvoglat. [Pihen në një gotë uji.] Të bukurat janë të bërat. [Mango të lëvoruara dhe verë e vjetër.] Të bukurat janë të rejat [Premtime të një të nesërmeje dhe gonxhe zambaku.] Të bukurat, të gjitha të bukurat janë ti. Të bashkuara për të ma zgjedhur vrasësen më fisnike. Përktheu: SKËNDER BUÇPAPAJ
|
||||
Copyright © 2005-2008 Nulled by [x-MoBiLe]. All rights reserved. |