TË KAM MUNDUR, VDEKJE Nga MAHMOUD DARWISH
E Djelë, 08.24.2014, 03:24pm (GMT+1)
O vdekje, ulu aty e prit. Merre një gotë verë e mos bëj zë. Një si ti nuk mund të merret vesh me askënd, një si ti nuk i kundërvihet skllaves së të padukshmes. Merr frymë... ndoshta je dërmuar nga kjo ditë e luftës së yjeve. Kush jam unë e pse ti më viziton? Ke kohë ta shqyrtosh poezinë time? Jo. Nuk është puna jote Ti je përgjegjëse e pjesës prej balte të njeriut, jo e veprave të tij apo fjalëve të tij. O vdekje, të kanë mundur të gjitha artet. Të kanë mundur këngët e Mesopotamisë, obelisku i Egjiptit, varret e Faraonëve, gdhendjet në gur të një tempulli të kanë mundur, kanë fituar, dhe iu ka shpëtuar kurtheve tua përjetësia... e atëherë bëj me ne, bëj me veten tënde ç'të duash.
Përktheu: SKËNDER BUÇPAPAJ
|