MATILDE, KU JE
Nga PABLO NERUDA
E Djelë, 09.14.2014, 09:19am (GMT+1)
Matildë, ku je? Vështro, poshtë,
midis kravatës e zemrës, lart,
mes brinjëve trishtim i sigurtë:
se papritmas më mungoje ti.
Më duhet drita e energjisë tënde
e shoh ndërsa shpresën gëlltis,
zbrazësinë në shtëpinë pa ty,
ku mbeten veç dritare tragjike.
Në heshtje të plotë çatia dëgjon
si bien shirat e lashtë pa gjethe,
pende, të burgosur nga nata:
ashtu si shtëpia e vetmuar të pres
e ti do vish ta shohësh e të jetosh atje.
Tej kësaj bote dhembin dritaret e mia.Përktheu: EMIL ASDURIAN
|
Comments (0)
Dërgoja shokut
Printo
