VOAL - Online Zëri i Shqiptarëve

DIKUR DHE TANI Nga XHEVDET BAJRA E Martë, 10.14.2014, 02:46pm (GMT1) Flen e lodhur duke ëndërruar ditët kur hanim bukë e shpresë E mbi qiell përdit kacavarej diell i verbëruar nga drita e vet Aromë e trëndafilave hynte nëpër dritaren e hapur të bibliotekës së shtëpisë Derisa shkruaja poezi për ditët që kurrë nuk erdhën Të prisja me shishe vere mbi tavolinë Dhe qiri të ndezur Po Bota ishte shumëngjyrëshe Kur dielli binte si mollë e kalbur Dhe yjet ndizeshin përreth nënës hënë Çonim dashuri ndërsa gjinkallat këndonin Një këngë më të vjetër se mosha e njerëzimit Pastaj lufta na vodhi jetën që e patëm Zbuluam sa bukur është të humbet puna Të mbetesh në shtëpi o të del nga ajo Pa e ditur se ku je nisur dhe çdo të bësh Zbuluam se të thyehet këmba a dora Do të thotë se je gjallë Se jeta është e bukur E hidhur dhe e bukur përderisa jetohet në liri Tashti e kemi një bibliotekë pothuaj me të njëjtat libra por në një gjuhë tjetër Në një gjuhë tjetër shkruaj vargje për ditët që kurrë nuk do të kthehen Në një gjuhë tjetër e kërkoj bukën në shitore Në tjetër gjuhë tani dhemb jeta XHEVDET BAJRAJ

Copyright © 2005-2008 Nulled by [x-MoBiLe]. All rights reserved.