SOGJETARËT
Nga ADEM ZAPLLUZHA
E Hënë, 10.20.2014, 09:09am (GMT+1)
 Nëpër rrugët e qytetit
Enden kronikët sy lëbyr
Imazhe trishtimi
Mes këtyre flamujve
Diku ngre kokë dykrenori
Diku gjysmëhëna
I lëpin tjegullat e ciganëve
Diku ajri i ndotur
I përjeton shtërzimet e frymëmarrjes
Gjysmëhëna dhe kryqi komplotojnë
Kjo natë e thikave
Nuk e ndalë gjëmën
As të foshnjave
Që luten me duar kah qielli
Në eter
Përpëlitet shpendi i shenjtë
Nata e gatshme për fluturim
Mbi një muranë të lashtë
Qëndrojnë sogjetarët ADEM ZAPLLUZHA
|
Comments (0)
Dërgoja shokut
Printo
