KËTU S'DO JEM Nga DRITËRO AGOLLI
E Mërkurë, 10.29.2014, 12:23pm (GMT+1)
Këtu s'do jem do jem larguar Në tokë i tretur si të tjerët Në kafenenë e preferuar Nuk do më shohin kamarierët
Dhe nëpër udhët ku kam ecur S'do ndihet kolla ime e thatë Mbi varrin tim do të rrijë i heshtur Një qipariz si murg i ngratë
Ti do trishtohesh atëherë Se s'do më kesh në dhomë të gjallë Dhe kur në xham të fryjë erë Do qash me erën dalëngadalë
Por kur të jesh mërzitur shumë Në raft të librave kërkomë Aty do jem i fshehur unë Në ndonjë fjalë a ndonjë shkronjë
Mjafton që librin pak ta heqësh Dhe un do të zbres do t'vij pranë teje Ti si dikur me mall do qeshësh Si një blerim pas një rrëkeje
DRITËRO AGOLLI
|