VOAL - Online Zëri i Shqiptarëve

LETRAT E VDEKJES Nga NAMIK SELMANI E Shtunë, 11.01.2014, 05:58pm (GMT1) Ndalemi në shtylla, në mure, në tabela nekrologjish Shohim fytyra të qeshura, të nxjerra me ngut nga arkiva Një ditë, një orë varrimi dhe ca shirita të zinj Një hap i menduar që mbetet jetim te rrugica Një ah i pashqiptuar si pumb i nxehtë, panxjerrë Nj sy që ul qepallat e lodhura si të ishte mjegull mali Një heshtje që gjoksin e gulshuar ta mbështjell Një ditë që mbetet në kujtesë si shi i rrëmbyer behari Dhe prapë ndërrohen në shtyllë letrat ditëve dhe netëve Të trerë emra, të tjera orare, në ditë me vapë dhe shi Ata ndërrohen atje si udhëtarë a si ushtarë zyrtarë të një beteje Mbeten në një ditar që një ditë jeta e ka bërë shkrumb dhe hi Dhe ne, këmbëpalodhurit, ballëdjersiturit vrapues pas parasë Llogarisim ditë, aventurat, pse jo dhe një kafshatë të mbetur Ditët ecin, në shtyllë një ditë koha e klithmuar dhe e heshtur ndal; Me pengjet e pathëna si fluturzat e borës që bie si bulë e tretur 28 tetor 2014 NAMIK SELMANI

Copyright © 2005-2008 Nulled by [x-MoBiLe]. All rights reserved.