VOAL - Online Zëri i Shqiptarëve

SHTËPIA ME TULIPANË Nga SULEJMAN MATO E Hënë, 11.03.2014, 04:51pm (GMT1) Është një shtëpi në periferi të Korçës që ka një kopsht plot me tulipanë. Aty dimrave erërat fryjnë si një mall i largët, dhe dëbora ulërin si një harrim i bardhë. Është një shtëpi e plakur dhe e harruar, tulipanët në kopsht digjen si zjarre... Brenda vërtitet një flutur krahëshkruar... Sa e bukur ishte në prillin e malleve!? Te ajo shtëpi unë shkoj shpesh, por veç në ëndrra, dhe pres i shqetsuar të kërcasë një dritare. Yjet lart heshtin si në një ceremoni mortore, tulipanët në kopësht digjen si zjarre. Tani te ajo shtëpi ka rënë dimri i pullazeve, oxhaku nxjerr shtëllunga të bardha malli... Ajo zbret çdo mëngjez në kopshtin e vet të zgjojë rininë me dritë tulipanësh. SULEJMAN MATO

Copyright © 2005-2008 Nulled by [x-MoBiLe]. All rights reserved.