VOAL - Online Zëri i Shqiptarëve | ||||
MË ÇOI NË FERR (Mikut tim zv. minister ne qeverine "RILINDJA") Nga SINAN KËRPAÇI E Mërkurë, 11.12.2014, 04:19pm (GMT1) Më përcolli deri te shkallët, më përqafoi, më puthi, më shtrëngoi fort, më la krejt pa frymë. Më vonë shkrova: "Dashuri" pushteti e plakur në zyrë! Mezi i mbajta lotët kur mori pozën, më qau hallin e tij se ç'do behej me atë pas dy vjetësh...në pension... Shkrova: Jam dhjetë vjet më i ri, i papunë me diplomë! Nuk ia dha fjalën fare jetimit, të pagojit hallit tim duke shkuar rrugës së shëmtimit edhe më i lig. Më vonë shkrova: Nuk ka më keq, e do Shqipërinë çiflig! Më ra edhe dy herë shpatullave te shkalla e fundit dhe u kthye në zyrë më pak Sinan e më shumë Enver. Më vonë shkrova: Te shkalla e fundit më çoi në ferr! Nga libri "ZHVESHUR", 2014 SINAN KËRPAÇI
|
||||
Copyright © 2005-2008 Nulled by [x-MoBiLe]. All rights reserved. |