VOAL - Online Zëri i Shqiptarëve

LAMTUMIRË SOCIALIZËM! Nga SULEJMAN MATO E Shtunë, 11.29.2014, 09:19am (GMT1) Të vërtetat e tua gënjeshtra me bisht! Ngriheshin në ajër tullumbaca gjithë shkëlqim. po unë naivi i besova marrëzisht? Tani më vjen të qaj me naivitetin tim. Me premtimet e tua ndërtova një anije ngrita një balon,brenda tij futa zemrën time. Udhëto anija ime pa dyrek e pa vela! Ngrihu baloni im. Merreni erëra në shtegtime! Tani më vjen të qaj me naivitetin tim. Herë-herë në sytë e tu pashë një flakë të ftohtë, një shikim djallëzor, një buzëqeshje cinike. Unë ecja pas teje si i verbëri në pyll. në vend të zemrës kisha një zog që cicërinte. Marrëzisht të besova Poshtërisht më poshtërove. Tani midis nesh rrugët tona janë ndarë. Lamtumirë iluzione! Lamtumirë socializem! Ditët e mia të vdekura, dashuria ime e vrarë. SULEJMAN MATO

Copyright © 2005-2008 Nulled by [x-MoBiLe]. All rights reserved.