VOAL - Online Zëri i Shqiptarëve

VITI I RI NA JEP SHPRESË Nga KUJTIM MATELI E Mërkurë, 12.31.2014, 01:46pm (GMT1) Ja dhe dita e fundit Fill mbas saj, Një fjogo e kaltër ditët e vitit mbështjell, Ditë të mbushura me shqetësime njerëzish, Mbushur me shira, me fruta, me diell. Ndihet një parfum vjeshte në tavolinat tona, Është tretur në ajër një zënkë e pak çasteve më parë, Një trishtim që na vinte rrotull është tulatur diku, Një gëzim i porsa lindur qoshen e bisedës ka marrë. Ndjejmë nevojën për të folur më shumë, Diçka e pathënë merr udhë dhe bëhet temë e bisedës. Është çasti kur e duam më pranë njëri-tjerin, Pyesim më shumë për njëri-tjetrin, Gëzohemi më shumë për njëri-tjetrin. Ato që s`mundëm t`i bëjmë nuk janë pak, Njeriu gjithmonë është i penduar, Gjithmonë e ka patur një shteg që s`e ka gjetur dot, Ka patur një ftesë që s`e ka vlerësuar, Në të njënjtin vend është rrotulluar kot. Njeriu pendohet për çfarë nuk bëri mirë, Po Viti i Ri na jep shpresë, Na ndan nga e djeshmja si fëmijën nga nëna dhe na thotë: Është një yll që njeriut duhet t`i prij, Gotat ngrejmë dhe vështrojmë njëri-tjetrin: A e ka gjetur secili yllin e tij? KUJTIM MATELI

Copyright © 2005-2008 Nulled by [x-MoBiLe]. All rights reserved.