MOSHA IME Nga THANI NAQO
E Premte, 01.02.2015, 10:08am (GMT+1)
Sa s'më pëlqen të matem me kohë, Ama, Borës së Parë moshën ja di! Nga djepi ja pashë të parën fjollë, Dhe qesha kur zbardhi Dheu i Zi!
Sa s'më pëlqen të matem me thinja, Edhe kur rruhem le veten të bredhë. By-by, tropik, po shkoj ku linda, Enkas të zgjoj Mëllenjën Sqepverdhë!
Sa s' më pëlqen të matem me rrudha, As me gjurmë e Udhëkryqe në Botë. Argasja e lëkurës nuk bëhet me pudra, Përndryshe, kënga, ngjiret me lotë!
Sa s' më pëlqen të matem me kohë, Ama, Bora e Parë, më mbiu në sy! Nga djepi ja pashë të parën fjollë, Dhe qesha kur zbardhi Dheu i Zi!
1 - Janar - 2015
THANI NAQO
|