VOAL - Online Zëri i Shqiptarëve

DITËT Nga GJIN GJONPALI E Djelë, 01.04.2015, 06:12pm (GMT1) Ne iu kërkojmë ditëve lumturi, Ato na e falin sipas mënyrës së tyre, E ne lumturohemi deri në shtat qiej. Por ditët nuk janë tonat... Ne ju kërkojmë ditëve gëzime, Po ato ngatërrohen e na japin edhe brenga, E ne i fajsojmë e nxihemi sterrë. Por ditët nuk janë tonat... Ne iu kërkojmë ditëve dashuri, Ato na e shpërfaqin sipas mënyrës së tyre, E ne digjemi flakë ndjesive të kaltra. Por ditët nuk janë tonat... Ne iu kërkojmë ditëve, rini të përjetshme, Po ato na zbulojnë thinja me imazhe vjeshte, E ne zhgënjehemi në pafuqinë e tyre. Por ditët nuk janë tonat... Ne iu kërkojmë ditëve të tjera ditë, Po ato sosen për ne e shtohen për të tjerët, E ne iluziojmë për tjetër jetë. Pa e mësuar kurrë se ditët nuk janë tonat. GJIN GJONPALI

Copyright © 2005-2008 Nulled by [x-MoBiLe]. All rights reserved.