DRILONI I KOMANDANTIT Nga SINAN KËRPAÇI
E Premte, 01.16.2015, 11:03am (GMT+1)
Ëndrrat ishin në Drilon kur më quanin "Bunker" dhe nuk besoja më fare te perëndia.
Nuk isha si tani i veshur kaq sportiv: në brez unë mbaja një hekur sovjetik "TT" dhe në ballë kisha mbërthyer me pesë gozhdë një yll.
Liqeni ishte po ky e unë nuk u lava njëherë, dhe malet për rreth ishin po këto ndërsa për Lasgushin flitej sheshit se ishte jerm.
Këtu mësova t`i lidhja duart mbrapa si Komandanti, këtu unë ushqeja një ëndërr: t`i ngjaja Enver Hoxhës.
Me të lidhurat e mia desha të zgjidhja të botës!
Në Drilon, në Liqen, me malet përreth, me shëtitjet e zgjatura të Komandantit Legjendar, me peshqit që i shtyja në tufë te grepi i tij dhe Lasgushin e shpallur në heshtje botërisht si jerm ku gjeja në vetmi ca çaste për të qarë.
Nga libri i ri ne doreshkrim me titull paraprak "PUTHJELODHURA"
SINAN KËRPAÇI
|