VOAL - Online Zëri i Shqiptarëve

PËR NJË SYTH QË LASTARON Nga ARTUR VREKAJ E Premte, 02.20.2015, 09:14am (GMT1) Çel një syth në vakt të vaktit, një syth pjergulle, vetëm një; Nga kalem i eshkur dimrit, nën dëborë pa frymë, pa zë. Çel një syth e ngjiz lastarin, lëngur, gjethur në mesprill; Diell pi n'sy të beharit, brumos, ngjyros klorofil. Sikur një vresht më gëzon një syth mua mërgimtarit; Më nxjerr mallin e Shqipërisë, harlisur ledhesh beharit! Me duar ja shkrifëroj dheun, që të frymet në mesprill; Majë kalemit lart mbidheut, vjen e këndon një bilbil! Gazur nga mik i pranverës, dehur gjakun kapilarëve, Nder shpirtin në krah të erës, mjalt nën zë vargje shqiptare! Ligjëron dhe Amerikës si Shqipërisë ky bilbil; Lastarnjomit, fijelidhur pas vargut tim në mesprill! Dielli prushet mbi çati, kur sheh rrugës tij shtegtare, një bilbil e një shqiptar pas këngës harruar fare! Për një syth që lastaron, për një mall që mall pikon! 2012 Nga libri Klithmëlindje. ARTUR VREKAJ

Copyright © 2005-2008 Nulled by [x-MoBiLe]. All rights reserved.