KOSARI Nga THANI NAQO
E Premte, 02.20.2015, 07:21pm (GMT+1)
Livadhin kosit nën të fundmen hënë, Bari psherëtin fshap-fshup, fshap-fshup. Majëdirekut të mullarit vari limën e ngrënë E gjysma e hënës m'u ul mbi sup.
Livadhin e fundit sonte kosit, Hapësira e zhveshur më fut në trishtim. Përçartazi flas... Nuk di ç'i mërmëris, Gjoksbardhës nuselalë që u fsheh për dimërim.
Tehu i kosës fap-fap, fap-fup, Nata u mpiks me klorofilin e tretur. Gjarpëron mes yjeve një meteor, e u zhduk, Prej syri më del një yll' i vockël, i mekur.
Hije dyshimtare pret tehu i kosës. Gjysma e hënës mbi sup më rëndon, I verrbër,qofsha, në anën tjetër të botës, Dielli të më shohë, mjafton!...
Brymohet streha e kapelës së vjetër, Zemra e mullarit më fal shtratin me bar. Në ardhtë bora, fshehur, si dhelpër, S'ka ç' të më bëjë: jam kosar!
2003-2015
THANI NAQO
|