VOAL - Online Zëri i Shqiptarëve

KUR MOS TË TË DUA MË… Nga DRITA LUSHI E Premte, 03.06.2015, 11:25am (GMT1) ** Kur të ndodhe kjo, mos prit të ketë ndonjë rrëmet, katastrofë apo tërmet. Dielli do lindë si çdo ditë, Dhe qiellit s'do ti mungojë e kaltra,as nata; e yjet s'do jenë më të pakta. Ato që do të mungojnë, janë gjëra të thjeshta: Si përshembull, Përshëndetjet e mëngjesit dhe mbrëmjeve, prekja e duarve, pyetjet :"si Je", "si Jam", Dhe mbështetja e kokës sime në supin tënd të majtë. ** Kur mos të të dua më, S'do ketë asgjë të jashtëzakonshme; Njerzit do puthen dhe urrehen përsëri do lindin fëmije nga dashuria, dhe të tjerë do të vdesin nga uria. ** Por nëse s'do më shohësh mua, Luftëtare, ndonjëherë edhe të egër; ironike dhe shpotitëse, te rrëmujshme, te çuditëshme, në të gjitha gjendjet brenda një dite; At'herë kam nisur, mos të të dua si më parë. ** Nëse, duke më lexuar ditë pas dite, Befas, nuk do gjesh veten në asnjë varg apo fjalë, nëse as heshtjen time,s'do të dish t'a përkthesh si më parë, nëse brenda lumturisë tënde, do ndihesh befas i palumtur, at'here dije: Dije se ke humbur një grua që të do. Dhe më shumë se një emër, Një Zemër. ** Kur mos të të dua më... Ka ende kohë... ** Ende ka kohë...! DRITA LUSHI

Copyright © 2005-2008 Nulled by [x-MoBiLe]. All rights reserved.