HESHTJE E PËRGJUMUR
Nga TAHIR BEZHANI
E Hënë, 03.09.2015, 10:05am (GMT+1)
Rrugëtim i gjatë ecja jote
Valbonë,
Shkëmbijve përplasesh me shekuj
Nga Maja e Hekurave buron,
Ecë tinez nën tokë
Deri në Rragam
Bashkon procka e prroje
Varura majeve si tojë
Udhëton trojeve tua,
Ujit tokën e çarë e të ndarë
Flladitëse e shpirtit
E trupit të ndezur etje
Kaher Valbonë
Kah e ke rrugëtimin Valbonë
Deteve kur përzihesh
Ngjyrat ndryshojnë
Mere guximin
Tregoju ujërave ,anijeve me kusarë
Burimin,pastërtinë tënde
Rreshkjet në Majen e Hekurave
Ku dielli të përqafon i vrarë
Mos udhëto e përgjumur
Valë shushuritëse kotësive
Kohës po i vlojnë mendimet
Për t'i larë sytë e futur rrudhave
Përmes lotëve të djegur malli
Valbonë,
Ulurimë e dhimbjeve.....
Gjakovë,
27.02.2015
TAHIR BEZHANI
|
Comments (0)
Dërgoja shokut
Printo
