Zëri i Amerikës E enjte, 02 Qershor 2011

Të martën, dy personalitete të njohur të jetës amerikane u ulën për të ngrënë pica në një restorant shqiptar të Nju Jorkut.

Sarah Pejlin, e cila mund të verë kandidaturën për garën presidenciale dhe Donald Tramp, i cili shpalli se heq dorë nga kjo garë, u takuan dje në njërën prej picerive më të njohura të Nju Jorkut, pronë e Vëllezërve Kolaj, e që quhet Famous Famiglia.

Piceria ndodhet në kryqëzimin e Broduejit dhe të rrugës 50, një pikë mjaft popullore e Nju Jorkut. Ishte zonja Pejlin ajo që zgjodhi picerinë shqiptare dhe që i la mjaft të kënaqur pronarët Kolaj.

Si Pejlin ashtu edhe Tramp janë që të dy yje të Reality TV, dhe duket se kohët e fundit i lidh edhe politika. Jashtë picerisë shqiptare u mblodhën dhjetra njerëz për të bërë fotografi.

(http://www.voanews.com/albanian)