VOAL - Online Zëri i Shqiptarëve - SI I PRESIM FESTAT E FUNDVITIT NË GJERMANI!Fotoreportazh nga ASLLAN DIBRANI

Kur ngrohja e qirinjve zëvendësojë errësirën e nëntorit dhe ardhjen me ngjyra të veçanta me stolisje në fundin e dhjetorit duke i përfshirë festat e fundvitit me rastin e krishtlindjeve dhe të vitit të ri janë ma të preferuarat në Gjermani.

-Këto festa shënojnë spektakël dekorimesh me ndezjen e mijëra dhe milionave drita në qytete parqe, lokale , rruge ,spitale , uzina dhe vende publike duke filluar që nga familja private. Më shumë drita për Krishtlindje dhe vitin e ri me dekorime mbulohet çdo pëllëmbë e shtëpive të ndryshme në Gjermani. Po marrim si shembull një shtëpi private në Shtutgard të Gjermanisë në lagjen e Bad -Canstadit si më poshtë.

Pamje nga një shtëpi private në Shtutgard e dekoruar dhe e stolisur shumë bukur porta e shtëpisë bredhi , muret rrethuese që lënë përshtypje të jashtëzakonshme që errësirën ta shndërrojnë në parajsë!

    Shumë qytetarë dhe turistët vijnë posaçërisht për shtëpinë e këtij qytetari ,vetëm të marrin një vështrim në spektaklin e këtyre dritave për të hedhur në kokën e tyre një skenë artistike të përpunuar me jave të tëra kushtuar festave të fundvitit . Këto zbukurime janë të realizuara shumë nga to ,nga vet pronari   i shtëpisë me qëllim që të jenë sa ma te gëzuar për krishtlindjet dhe për vitin e ri. Dritat e kësaj shtëpie çdo vit dekorohen nga 20 dhjetori deri me 5 janar.

-Çdo ditë kjo festë pasurohet me shumë aktivitete në harmoni dhe gëzime edhe në forma kolektive , po edhe familjare që mrekullojnë kuzhinën   e tyre me dekoratat e Krishtlindjeve. Për vitin e ri, po ashtu dhurojnë ,dhurata të ndryshme, që ma është bërë traditë në popullin gjerman ,po edhe në popujt e Evropës me një civilizim në familjen dhe shoqërinë e tyre...

E gjithë kjo është pjesë tradicionale festive e Krishtlindjeve, me pamje të ndryshme, aromatike dhe natyrisht duke i përzgjedhur dhuratat për ta kënaqur anëtarin e familjes duke filluar nga Gruaja fëmijët etj...

Gjithashtu gëzojnë muzikën klasike dhe valle me një atmosferë ,që është i pashembullt dhe i këndshëm . Kudo me kujdes, organizojnë programe për fëmijët me të gjitha llojet e ceremonive emocionuese dhe artistike. Me aktivitete zbavitëse dhe nostalgjike të shoqëruar me Baba Dimrin ushqejnë shpirtin e fëmijëve me programe cilore .Programe të ndryshme organizojnë edhe   për të gjitha moshat që lënë përshtypje dhe mbresa , për festat e Krishtlindjeve dhe të vitit të ri si rrallë kund në Evropë .

Pamje nga brendësia e shtëpisë rrethe për qark e stolisur me   drita dekoruese me figura të ndryshme dhe me pamje të jashtëzakonshme!

Errësirën Gjermanët duan ta shndërrojnë   në dritë dhe parajsë , ndërsa populli im në Kosovë errësirën duan ta shndërrojnë në burg për shoqërinë kosovare...

Këto ditë pash spektakël mediash në Kosovë për mos organizimin e dekorimit të qytetit të Prishtinës, nga e cila edhe artikullin që po e shkruaj, ishte motivi që se paku te bëjmë një krahasim në mes dy shoqërive që jetojnë në Evropë , populli Gjerman dhe ai shqiptar në organizimin e këtyre festave..Njëri bënë garë për ta bëre errësirën dritë, ndërsa shoqëri e popullit tim në Kosovë, errësirën duan ta shndërrojnë   në burg të vetëdijes për shoqërinë dhe popullin e Kosovës të nxitura nga grupe të ndryshme me pretendime   fetare, që mediat e cilësuan si të tillë fatkeqësisht kryetarin   e Prishtinës Shpend Ahmetin . Viteve të kaluara, Prishtina stolisej me dekorime në fund të muajit nëntor. Kurse pjesët që zakonisht dekoroheshin ishin sheshet "˜Ibrahim Rugova', "˜Skënderbeu', "˜Nënë Tereza', "˜Zahir Pajaziti', komplet rruga "˜Agim Ramadani' deri të "˜Xhamia e Llapit', rruga "˜UÇK', rrugët "˜Ilaz Kodra', "˜Edi Durham', shkallët në lagjen "˜Arbëria' etj.

Stolisja e qytetit në këtë kohë festash është traditë evropiane, të cilës pretendojmë ti takojmë edhe ne shqiptarët!!!???...

Kryetari i Prishtinës, Shpend Ahmeti që disa ditë vazhdimisht po kritikohet nga qytetarët e Prishtinës për këtë veprim të tij, ata vazhdimisht ia kanë rikujtuar kryetarit të tyre se stolisja e qytetit në këtë kohë festash është traditë evropiane, të cilës pretendojmë ti takojmë edhe ne shqiptarët !!!???...

Gëzuar Vitin e Ri!Gëzuar edhe festat tjera .Gëzuar bashkëqytetarët e mi kudo që jeni në Kosovë, Shqipëri e gjetiu , festoni dhe gëzohuni . Le të jetë viti 2014 i kujtimeve për së keqi ,pervishnju punës dhe gëzoni zemrat e njeri tjetrit me punë e vetëm me punë që ta shporrim nga vatrat tona varfërinë ,skamjen , korrupsionin , vjedhjen , krimin , abuzimin , intrigat me qellim që ta ndërtojmë vendin tonë si shtet me standarde të shteteve evropiane .Le të jetë shembulli ma i mirë Gjermania që nga një ditë, që qytetari i saj punonte mbas luftës së dytë botërore për dy kila bukë, tani e shndërroj vendin e vet në një shtet me kapital marramendës,me një ekonomi gjigante ne nivel botëror.

Të festojmë edhe ne si bota e civilizuar me drita , shapanije, dhurata dhe fishekzjarre , që edhe populli ynë të jetë sa ma shpejt në gjirin e familjes evropiane ... Një gjë të tillë e meriton sepse , gjuha dhe kultura jonë një kohë u shfrytëzuar në nderimin dhe formimin e kombeve të Evropës dhe më gjerë. Andaj mos u bëni barbar të vetvetes .Nxine ditën e sotme mos e leni për nesër se do të jetë vonë.